რატომ არ უნდა გვეძინოს აფრენის და დაფრენის დროს
როგორც კი თვითმფრინავში ვხვდებით, დროის გასაყვანი და გასართობი საშუალებების რაოდენობა იკლებს. ბევრი ადამიანი ამ დროს ძილს ამჯობინებს და ითიშება. მაგრამ, აუცილებელია ეს გააკეთოთ მხოლოდ ჰაერში და არა აფრენის პროცესში. აუცილებელია შეფხიზლდეთ დაფრენამდეც. ამით თავიდან აირიდებთ ყურების დაგუბებას და აღარ იგრძნობთ მწვავე წნევას.
ასევე, აფრენა და დაფრენა ყველაზე მნიშვნელოვანი პროცესებია, როცა ყურადღებით უნდა იყოთ და მნიშვნელოვანი შეტყობინებები არ გამოგრჩეთ. თუ თვითმფრინავიდან მგზავრების ევაკუაციაა საჭირო, ეს სწორედ ამ დროს მოხდება.
ფრენას ჩვენს სხეულზე გარკვეული გავლენა აქვს. ზოგიერთი მგზავრი ყურის ტკივილს თუ წნევას უფრო მძაფრად განიცდის. ეს კი ხშირად იმის გამო ემართებათ, რომ აფრენისა თუ დაფრენისას ფხიზლად არ იყვნენ.