როგორ ჩავალაგოთ ბარგი ეფექტურად?
ბევრი ადამიანი მოგზაურობის წინ ჩალაგებაზე ბევრს არც ფიქრობს. ხშირად მოგზაურები ამას გამგზავრების წინა ღამეს აკეთებენ და თანაც ძალიან სწრაფად. კვლევებით დასტურდება, რომ ადამიანების 65% ვერ ალაგებს ბარგს ისე ეფექტურად, როგორც ეს რეალურად შეუძლიათ რომ გააკეთონ. ჩვენ ვეცდებით ეს პროცესი ოდნავ გაგიმარტივოთ.
შეადგინეთ აუცილებელი ნივთების სია
მთავარი პრობლემა არის იმის მოფიქრება თუ რა წაიღოთ თან. შეჯერდით 5 ცალ შარვალზე თუ მხოლოდ 10 დღით მიდიხართ. დაიწყვეთ წინ თქვენი შარვლები და ორ ან რამდენიმე მათგანზე უბრალოდ უარი თქვით. ორჯერ დაფიქრდით თითოეულ ნივთზე, რის წაღებასაც აპირებთ.
არსებობს ნივთების შერჩევის “5-დან ერთამდე” პრინციპიც. იმისათვის, რომ მაქსიმალურად დააპატარავოთ თან წასაღები ბარგი, გქონდეთ ადგილი ახალი ნივთებისთვის და აეროპორტშიც პრობლემები არ შეგექმნათ, ჩაალაგეთ 5-5 წინდა და საცვალი, 4 მაისური, 3 შარვალი, 2 ფეხსაცმელი და 1 ქუდი.
მომართეთ გონება ისე, თითქოს ტეტრისს თამაშობთ
საუკეთესო გზა ყველაფრის ერთ ჩანთაში თავმოსაყრელად, თითოეული მილიმეტრის გამოყენებაა. გაიხსენეთ თამაში ტეტრისის ტექნიკა: ყველაფერი ერთმანეთში იდეალურად უნდა მოთავსდეს და სივრცე სრულად შეავსოს.
ჩაალაგეთ ტანსაცმელი რაიმე სპეციალური ტექნიკით
ტანისამოსის საგულდაგულო დაკეცვა – ეს ყველაზე მარტივი მეთოდია. ჯერ ჩააწყვეთ მოცულობით დიდი სამოსი, შემდეგ კი პატარა.
დამრგვალება – ამ ტექნიკით ჩემოდანში ადგილი მნიშვნელოვნად დაიზოგება.
ტანსაცმლის ერთმანეთში შეფუთვა – ეს დამრგვალების ალტერნატიული ტექნიკაა. უბრალოდ შეახვიეთ პატარა ტანსაცმელი დიდ ტანსაცმელში და ისე ჩაალაგეთ.
ხრიკი: გამოიყენეთ ტანისამოსის ჯიბეები (განსაკუთრებით ელვაშესაკრავიანი) პატარა ნივთების შესანახად. ასევე, ფეხსაცმელიც.
წაიღეთ ჩანთა ან პარკი გასარეცხი სამოსისთვის
თუ ისეთ ადგილზე მოგზაურობთ, სადაც ტანსაცმლის გარეცხვის საშუალება არაა, მოათავსეთ ისინი ერთ პლასტიკურ ან ნაჭრის პარკში და განაცალკევეთ სუფთა სამოსისგან.
ფეხსაცმლის ჩალაგების წესი
პირველ რიგში, გზაში ჩაიცვით ყველაზე მოცულობითი ფეხსაცმელი. დაიცავით სამეულის წესი: წაიღეთ 1 ცალი ღია დაბალძირიანი ფეხსაცმელი, 1 ცალი კომფორტული სპორტული ფეხსაცმელი და 1 ცალი გამოსასვლელი ფეხსაცმელი სპეციალური საღამოებისთვის.
ჩანთაში ტანისამოსი გაანაწილეთ დაკვირვებით!
თავიდან, ჩემოდნის ძირში, რბილი, დამრგვალებული სამოსი ჩაალაგეთ;
შემდეგ დაკეცილი ტანსაცმელი დაადეთ.
შუა ფენისთვის დაიწყეთ გრძელი ნივთებით, მაგალითად ქვედაბოლოებით და შარვლებით.
შემდეგ განაგრძეთ მოკლე ნივთებით, მაგალითად მაისურებით.
ქამრებით და სხვა აქსესუარებით შეავსეთ ჩანთის გვერდები და დარჩენილი ცარიელი ადგილები.