რომელ ორ ქვეყანას აქვს ყველაზე სუფთა სანაპირო წყალი ევროპაში

თუ ევროპულ სანაპირო დასვენებაზე ფიქრობთ, გეტყვით, რომ უახლესი კვლევების მიხედვით, კონტინენტის ორ ქვეყანას გამორჩეულად სუფთა წყალი აქვს სანაპიროებზე. ევროპის გარემოს საგენტომ ევროპის კომისიასთან შეთანხმებით, დაადგინა, რომ სლოვენიასა და ლიეტუვას მსოფლიოში გამორჩეულად სუფთა სანაპირო წყლები აქვს.

რეპორტის მიხედვით გამოიკვლიეს ევროკავშირის ქვეყნები, ალბანეთი და შვეიცარია. ლოკაციების 85% ექვემდებარებოდა სტანდარტებს და წარმოადგენდა საცურაო წყლის მაღალ ხარისხს.

აღსანიშნავია, რომ ამ ორმა ქვეყანამ: სლოვენიამ და ლიეტუვამ უმაღლესი შედეგები აჩვენეს. სლოვენია წარმოგვიდგენს ადრიატიკის ზღვის სანაპირო ზოლს სხვადასხვა ტიპის კურორტებით, ხოლო ლიეტუვაში მდებარე პალანგა, ნერინგა და კლაიპედა პოპულარული დასასვენებელი მიმართულებებია. გასულ წელს ლიეტუვა 30-წლამდე გამოკითხულთა შორის ერთ-ერთ ყველაზე ბედნიერ ქვეყნად დასახელდა ახალგაზრდებისთვის.

აღსანიშნავია ისიც, რომ სლოვენიის მეზობელი ხორვატიაც უსუფთავესი სანაპირო წყლით გამოირჩევა.